LiewenDoheem baséiert d’Käschte vun enger Auxiliaire ëmmer op dem soziale Mindestloun, mat bezueltem Congé, enger Woch vu 40 Stonnen Aarbecht, ab dem éischten Dag richteg ugemellt – wann eng auslännesch Agence dat net mécht, dann si si natierlech méi gënschteg, awer dann ass de Client engem grousse Risiko ausgesat, deen hien awer ni esou duergestallt kritt — pour cause.

Hei fannt Dir Erklärungen, wéi dës Agencen agéieren, mat vill Niwwel a Behaaptungen déi leider all falsch sinn.

De Client gesäit net richteg duerch dat alles, hie mengt e gudde Präis ze bezuelen a weess net a wat fir eng Situatioun hien sech era manövréiert.

Weider ënne fannt Dir weider detailéiert Erklärungen zum Thema.

Präiswäert Agencen aus dem Ausland?

Dir wëllt mat enger auslännescher Agence schaffen, well dës méi bëlleg ze si schéngt am Verglach mat den d’Déngschter vu LiewenDoheem oder vun den zwou aneren Agencen hei zu Lëtzbuerg.

Auslännesch Agencen (aus Polen oder Däitschland) bidden heiansdo (erstaunlech) attraktiv Präisser un, well hir Mataarbechter “ënner der Europäescher Entsenderichtlinn 96/71/EG schaffen” … no hiren Aussoen “ganz legal”! Dat stëmmt fir d’Agence (déi souwisou am Ausland baséiert ass an doduerch schwéier ze verfollegen ass), mee leider net fir Iech als Client!

Dir sidd am Risiko!

Aus der Siicht vum Client zu Lëtzebuerg ginn et verschidde seriéis Risiken, déi mat der Beoptraagung vun Auxiliairen am Kader vun der Europäescher Entsenderichtlinn 96/71/EG verbonne sinn.

Dës Risike betreffe souwuel juristesch wéi och finanziell Aspekter, souwéi d’Qualitéit vun der Betreiung an d’Verantwortung vum Client vis-à-vis vun der entsendter Auxiliaire.

WICHTEG:

Dir kaaft de Service vun enger Auxiliaire bei der auslännescher Agence, respektiv direkt bei hir, an.

Dir gitt also keng Aarbechtsrelatioun mat hir an !

Dëst bréngt eng Rei vu Risike fir Iech :

• Schäin-Selbststännegkeet: D’Auxiliaire kéint als Mataarbechterin gëlle → de Client ass haftbar fir Sozialversécherungen, Lounsteier, Kënnegungsfristen, an onbezuelte Congé.
• Steierlech Onsécherheeten: Risiko vun Duebelbesteierung an d’TVA-Flicht zu Lëtzebuerg, 2 Froen déi systematesch vun dësen Agence ënnert den Dësch gekéiert ginn.
• Sozial Ofsécherung: Méi niddereg Sozialstandarden am Hierkonftsland → de Client ass haftbar bei Krankheet/Accident vun der Auxiliaire.
• Uweisungsrecht: Limitéiert Kontroll iwwer d’Auxiliaire, déi der Agence ënnersteet an net Iech → manner Afloss op Qualitéit a Leeschtung.
• Meldepflichten: Mangelnd Umeldung bei der ITM oder Gemeng → de Client riskéiert Strofgelder a juristesch Risike fir illegal Beschäftegung.
• Aarbechtsrechtlech Onkloerheeten: Onsécherheet iwwer d’Recht wat gebraucht gi muss → komplizéiert Kloen a schwéier duerchsetzbar Uspréch.

Eng grëndlech Iwwerpréiwung vun de vertragleche Konditiounen a vum juristesche Kader ass néideg.

LiewenDoheem gëtt Iech gär zousätzlech Informatiounen, oder schéckt d’Propose fir de Kontrakt mat der Agence un d’ITM, a frot op dat legal ass … d’Äntwert ass kloer !

Alarmzeechen

Beim Gespréich mat auslänneschen Agence sollt Dir onbedéngt op dës Alarmzeechen oppassen, déi op onéierlech Praktiken hindeiten:

🚨 “Keng TVA!” – Wann Iech bei enger Nofro verséchert gëtt, datt keng TVA fälleg ass, dann ass dat net déi ganz Wourecht, et gëtt net ernimmt well dat Är Käschte méi héich mécht. Zu Lëtzebuerg sinn Déngschter, déi Dir esou akaft, TVA-pflichteg, dës Flicht ze ignoréieren ass e Steierverstouss a kann Iech spéider deier ze stoe kommen.

🚨 “Eis Mataarbechter si Selbststänneg.” – Wann Iech matgedeelt gëtt, datt d’Auxiliairen als Selbststänneg schaffen, kënnt Dir um Ënn an eng gro Zone geroden. Hei besteet d’Gefor vu Schäin-Selbststännegkeet, wat fir Iech juristesch Konsequenze kann hunn.

🚨 “Keng Aarbechtsvertrag néideg – de Vertrag vun der Agence geet duer!” – Eng feelend Aarbechtsvertrag ass e risegt Warnsignal. Ouni kloer Ofmaachungen iwwer Aarbechtszäiten, Flichten a Rechter stitt Dir am Fall vu Problemer ouni Ofsécherung do.

🚨 “Mir këmmeren eis ëm alles – keng ITM oder Gemeng Umeldung néideg.” – Wann Iech gesot gëtt, datt keng Umeldung bei der Lëtzebuerger ITM (Inspection du Travail et des Mines) oder Gemeng erfuerderlech ass, sollten d’Alarmsignaler léiden. D’Umeldung bei der ITM ass fir all auslännesch Déngschtleeschter obligatoresch, a wann dës Flicht net agehale gëtt, kënnt Dir als Client mat haftbar gemaach ginn.

🚨 “Sozialversécherunge lafen am Hierkonftsland.” – Wann d’Auxiliairen net zu Lëtzebuerg sozialverséchert sinn, kann dat zu Problemer féieren, besonnesch bei Krankheet oder Accident. Meeschtens ass d’Gesondheetsversécherung vun der Auxiliaire am Hierkonftsland ganz inadequate. Amplaz bei den Dokter ze goen, ginn dës Auxiliairen, déi als Déngschtleeschter zu Lëtzebuerg schaffen, léiwer esou séier wéi méiglech zréck heem.

🚨 “Keen Congé.” – Auxiliairen hunn Usproch op Congé. Wann d’Auxiliaire als Mataarbechterin agestuuft gëtt (Schäin-Selbststännegkeet), besteet e gesetzlechen Usproch op Congé. Dëse muss entweder accordéiert oder finanziell kompenséiert ginn. Feelerhaft Reegelungen iwwer Congé kënnen zu nodréigleche Bezuelungen a juristesche Konsequenze féieren. Et ginn 2,17 Deeg Congé pro Aarbechtsmount berechent.

🚨 “Manner wéi 40 Stonnen d’Woch Aarbecht” trotz voll Programm – Wann d’Auxiliaire an der Praxis Vollzäit schafft, mee offiziell manner Stonne verrechent oder am Vertrag ugi ginn, kann dat e Problem sinn. Sollt spéider festgestallt ginn, datt et sech ëm eng Aarbechtsrelatioun handelt (Schäin-Selbststännegkeet), mussen all Aarbechtsstonne réckwierkend korrekt bezuelt ginn, inklusiv Sozialversécherungsbäiträg a Congésgeld. De Client kéint fir feelend Bezuelungen haftbar gemaach ginn.

Schäin-Selbstännegkeet a juristesch Verantwortung

E grousse Risiko ass, dass d’Auxiliaire de vie formell als selbstänneg Aarbechterin agestallt gëtt, an der Praxis awer wéi eng Salariée behandelt gëtt. Dat geschitt, wann den Auxiliaire de vie an d’Aarbechtsprozesser vum Haushalt integréiert ass, festen Aarbechtszäiten huet a Uweisunge vum Client kritt.

Suite vun der Schäin-Selbstännegkeet: Sollt d’Auxiliaire de vie als Salariée agestuuft ginn, kéint de Client a Lëtzebuerg als Patron ugesi ginn, mat allen domadder verbonne Flichten. Dozou gehéiert d’Bezuele vum Mindestloun, Sozialversécherungsbeiträg, Lounsteier, de Respekt vum lëtzebuergeschen Aarbechtsrecht an eventuell Strofe fir d’Net-Umeldung bei den zoustännegen Autoritéiten (z. B. ITM, Aarbechtsdokter). Dat bedeit bedeitend finanziell a juristesch Risiken. Well kee schrëftlechen Aarbechtsvertrag tëscht dem Client an der Auxiliaire de vie besteet, gëllt en onbefrist Aarbechtsverhältnis op der Basis vum Code du travail. Kënnegungsfristen an d’Kompensatioun beim Doud vum Client stellen eng grouss potenziell Belaaschtung duer.

Steierlech Onsécherheeten

D’Besteierung vun der entsendeter Auxiliaire de vie ka komplex sinn, besonnesch wann d’Auxiliaire de vie iwwer eng méi laang Period zu Lëtzebuerg schafft.

Duebelbesteierung a Verantwortung vum Client: A verschiddene Fäll kéint et zu enger Duebelbesteierung kommen, wann onkloer ass, wou d’Auxiliaire de vie steierlech verflicht ass (Heemechtsland oder Lëtzebuerg). De Client kéint och verflicht sinn, d’Steieren a Bäiträg nom lëtzebuergesche Recht zréckzehalen an ofzeféieren, wat zousätzlech Opwand an Onsécherheet mat sech brénge kann.

Onkloer TVA-Pflicht: Ofhängeg vun der Vertragsstruktur kéint de Client verflicht sinn, d’TVA op d’Déngschtleeschtunge vun der Auxiliaire de vie zu Lëtzebuerg ze bezuelen, besonnesch wann d’auslännesch Agence oder d’Auxiliaire de vie net korrekt ugemellt ass. Mécht de Client dat net, kann hien zu Lëtzebuerg bestrooft ginn. Dacks “vergësst” d’auslännesch Agence, de Client op dës Verpflichtung vis-à-vis vum Staat hinzeweisen.

Sozial Ofsécherung a Verantwortung

Eng weider Gefor betrëfft d’sozial Ofsécherung vun der Auxiliaire de vie. Entsendet Aarbechter bleiwen zwar meeschtens an hirem Heemechtsland verséchert, mee dat kann Nodeeler fir de Client mat sech bréngen.

Mangel u Kranken- a Rentenofsécherung: Wann d’Sozialstandarden am Heemechtsland méi niddereg si wéi zu Lëtzebuerg, kéint d’Auxiliaire de vie am Fall vun enger Krankheet oder engem Aarbechtsaccident net genuch ofgeséchert sinn. De Client kéint a bestëmmte Fäll haftbar gemaach ginn, wann d’Auxiliaire de vie wärend der Aarbechtszäit zu Lëtzebuerg Gesondheetsproblemer kritt an d’Sozialversécherung vum Heemechtsland d’Käschten net iwwerhëlt.

Weisungskompetenz a Verloscht vu Kontroll

Well d’Auxiliaire de vie formell als selbstänneg Aarbechtskraaft gëllt, huet de Client nëmmen eng limitéiert Weisungskompetenz. Dëst kann zu Problemer féieren, wann d’Auxiliaire de vie net de Fuerderunge gerecht gëtt oder hir Leeschtung net de gefuerderte Standarden entsprécht.

Eingeschränkte Kontrollméiglechkeeten: Eng Selbstänneg Auxiliaire de vie kann hir Aarbecht a gréissere Mooss selwer organiséieren. Dat kann dozou féieren, dass de Client manner Kontroll iwwer d’Qualitéit an den Ëmfang vun der Betreiung huet. Sollt et zu Problemer kommen, ass et méi schwéier, Léisungen ze fannen, well et keng kloer aarbechtrechtlech Richtlinne gëtt, wéi bei engem regulären Aarbechtsverhältnis.

Droit de subordination: Dëst ass de Krittär fir tëscht engem Salarié an engem selbststännege Mataarbechter, wéi d’Auxiliaire de vie déi Iech eng auslännesch Agence schéckt, ze ënnerscheeden. Dir hutt der Auxiliaire de vie keng Instruktiounen ze ginn, maacht Dir dat awer (wat jo net méi wéi normal ass), da sidd Dir mat der Auxiliaire de vie an enger juristescher Relatioun wéi tëscht engem Patron an engem Salarié am Kader vun engem Aarbechtsvertrag, Är Relatioun kann also viru Gericht als eng Schäin-Selbststännegkeet agestuuft ginn, mat alle Konsequenzen… fir Iech.

Meldeflichte bei der ITM an der Gemeng

D’Meldeflicht bei der ITM (Inspection du Travail et des Mines) läit grondsätzlech bei der auslännescher Agence oder bei der Auxiliaire de vie. An der Praxis kéint de Client awer an Schwieregkeete geroden, wann d’Auxiliaire de vie net korrekt ugemellt ass an d’lëtzebuergesch Aarbechtsgesetzer net agehale ginn.

Strofen a Bousgelder: Sollt d’Auxiliaire de vie net korrekt bei der ITM ugemellt sinn, droe Strofen a Bousgelder. De Client kéint an esou Fäll als mat verantwortlech betruecht ginn, besonnesch wann hie gewosst huet oder hätt misse wëssen, datt d’Entsendung net korrekt gemellt gouf.

Niewent der ITM-Anmeldung gëtt et och d’Verpflichtung, d’Auxiliaire de vie an der Gemeng unzemellen, wou si schaffen, spéitstens no 3 Méint Openthalt zu Lëtzebuerg. Dëst ass besonnesch wichteg, fir d’Openthalts- an Aarbechtserlaabnes vun der Auxiliaire de vie ofzesécheren.

Risiko bei Net-Umeldung: Wann dës Umeldung bei der Gemeng net korrekt duerchgefouert gëtt, kann dat zu Bousgelder a juristesche Konsequenze féieren. Am schlëmmste Fall kéint d’Auxiliaire de vie als illegal beschäftegt gëllen, wat souwuel fir de Client wéi och fir d’Agence juristesch a finanziell Risiken duerstellt, woubäi déi lëscht am Ausland sëtzt.

Onkloerheete beim uwennbarem Aarbechtsrecht

Och wann d’Auxiliaire de vie am Kader vun der Entsenderichtlinn schafft, gëllt trotzdeem en Deel vum lëtzebuergeschen Aarbechtsrecht, wéi Mindestloun, Aarbechtszäiten, Congé an aner Grondrechter.

Onkloer Rechtslag: De Client kéint Schwieregkeeten hunn, ze bestëmmen, wéi eng Aarbecht-Gesetzgebung a spezifesche Situatioune gëllt. Dës Onsécherheet kann zu juristesche Streidereie féieren, wann d’Auxiliaire de vie Uspréch geltend mécht, déi op dem lëtzebuergeschen Aarbechtsrecht baséieren.

Sollt et zu engem Konflikt oder mangelnder Leeschtung vun der Auxiliaire de vie kommen an de Client wëll juristesch Schrëtt aleeden, kënnen zousätzlech Schwieregkeeten entstoen.

Juristesch Komplexitéit: Wann d’Auxiliaire de vie aus dem Ausland geschéckt gouf, stellt sech d’Fro, wéi e Rechtssystem uwennbar ass. Dëst kann zu juristeschen Onkloerheete féieren, well d’Auxiliaire de vie vläicht ënnert de Gesetzer vum Heemechtsland schafft, wärend de Client sech op d’lëtzebuergescht Recht berifft. Eng Klo ass doduerch méi komplizéiert an deier.

Net-Umeldung bei der Gemeng: Sollt d’Auxiliaire de vie net korrekt bei der Gemeng oder den zoustännegen Autoritéiten ugemellt sinn, kéint dat d’Grondlag fir eng Klo weider erschwéieren. D’feelend Umeldung kann zu enger onséchere juristescher Situatioun féieren, wou de Client net genuch Beweiser huet, fir seng Uspréch geltend ze maachen.

Grenziwwerschreidend Duerchféierung: Och wann de Client e legalen Usproch kritt, kéint d’Duerchféierung vun engem Urteel géint eng Auxiliaire de vie déi am Ausland wunnt oder eng auslännesch Agence wesentlech méi schwéier a méi laangwiereg sinn, wat zousätzlech Risiken an Onsécherheete mat sech bréngt.